السلاااااااااام
قصائد رهييييبه لنواف الدبل وكل وحده تقول الزوود عندي
أول قصيدة بعنوان ديوانه الصوتي.. (( خبر عاجل))
|--*¨®¨*--|خبر عاجل..!!|--*¨®¨*--|
خبر عاجل! وكالة شعر..بالأخبار وثقته
يصرح مصدر مسئول لا يستحمل التأويل
أفاد ان جيل كامل..انتهى بالضبط في وقته
وسلم باقي الاملاك ..للأخلاء والتقبيل
مسحنا بصمته من يوم انهينا عمالقته
مثل ماينسخ القرآن ..التوراة والأنجيل
زمان المبدع الواحد!وعشر اشباه سارقته!
اذا مول لهم ياليل..جرّو كلهم ياليل!!
زمان امسك لي؟!اقطع لك..وشلة أنس سوقته
تطبلي وأطبلك!!ونقضي ليلنا تطبيل
تقول الله مسلط في زمنهم ريح وأمحقته
تقول انهالت حجاره عليهم..كنها سجيل!!
اذا الواحد سمع منا ثلاث ابيات..اقلقته
واذا شافوا صورنا..كنهم يشوفون عزرائيل!!
قصايدنا اذا وصلت جيوب الثوب..شققته
واذا نزلت على كمومه..تعيد حكاية التفصيل
نعم..أفخر بشاعر اكبر الأضواء لاحقته
نعم..افخر بشعرٍ مايبي له أجهزة تمويل
واذا غيري يحسبه حلم..لامسته وحققته
ووصلته بدون أخراج!او خدمات للتوصيل
انا اشهد من تصاغرنا عبث! في حبل مشنتقه
انا اشهد من تحدى بإسمنا جبنا له التعليل
هذا الجيل له وقته..وهذا الجيل له وقته
وبسم الله ..نبدى افتتاح أمجاد هذا الجيل
«®°·.¸.•°°·.¸¸.•°°·.¸.•°®»عم من اعمامك«®°·.¸.•°°·.¸¸.•°°·.¸.•°®»
ول... يا قلبي تروّا وش بدا بك وش علامك
جيت كلّك ما بقت فيك القصيرة والطويلة
لا تـفز اثـقـل تـغلاّ قول: عـز الله مـقـامك
بيّن انك ما تفز الا اذا جات الثقيـــــلة
لا تبين قدره انه صار عم ٍ من عمامك
وان ليلك صارت العيشة معه مرة ذليلة
القط انفاسك ولا تقرا على الدنيا سلامك
خوفتي من قول عذال الهوى: وا عزتي له
تذكر اوّل يوم كلٍ صان قدرك واحترامك
لو بغيت تشبّها بيدك تطــوّح بالفتيـــــلة
يا خسارة عند ذيل القائمة صار انضمامك
و انت يا قلبي عزيز و ما تعوّدت الفشيـــلة
شفت كيف اليوم ما يقوى على الحلوه دوامك
كنت متأكد دوام الحال حاجه مستحيـــــلة
كيف من ضربه قضت امر انهزامي بانهزامك
بعد ما كنت انت غايه, صرت ياقلبي الوسيلة
×?°لمحتي دبلتي تنزف...!!×?°
لمحتيني و صدّيتي .. عرفت انك لمحتيني
مـ هي صدفه دموعك ..وارتجافة كتفك الباكي
أصيـــله يوم قفّيتي عرفتيها وعرفتيني
عرفتي وضـعي الـمحرج ولا حـاولتي اربـاكي
لمحتي دبلتي تنزف عبايرها على يديني
تحاملتي على نفسك .. حـبستي صوتك الشـاكي
انا لو كنت خليتك نويت اكمل نصف ديني
وغدا ربعي مع الغير .. وثلاث ارباع ويّـاكي
حشا مـ نتي سوالف رحلتن حلوه تسلّيني
انا لو قلت ابتجاهل .. يخالف طبعي ادراكي
حشا ما يقدر الماضي يحرمك باقي سنيني
حشا لو وصّلت سكرة مــمـاتي .. ذروة اعراكي
رحلتي ساكنه فيني وتبقي ساكنه فيـني
ولو دارت مساراتك اكيـــــد بتتبع افلاكي
مدام احلى الهوا سرقه دخيـــلك لا تخلّيني
واذا ردّت بك ابوابي ترى الميعاد شبّــاكي
§¤~¤§¤~¤§اللعب مع الكبار§¤~¤§¤~¤§
لا تدوش دماغك وتفكيرك حبيبي باعتذار
وشلون اصدق بك كلام اللي سعوا في نمتي
ناس تحسب النار دايم تشتعل من الشرار
اللي تخلي كل شي وتحتفي بمطمتي
ولنفترض انك علي اخطيت واللي صار صار
مذمتي لا جات منك ياحلو مذمتي
انت اليمين وماني مصدق معك حزب اليسار
سياستي انا وابن عمي على ابن عمتي
لا صارت اشواقك تجاهي لا يشغلها غبار
ومادام ماشفته بعيني ليه احط بذمتي
الصبر والحكمه سلاح بيد صنّاع القرار
اضبط امورك واعتبرها ضابطه من يمتي
مانيب قايل لك كلام الليل يمحوه النهار
باكر تعرف اني انا وياك بكون بقمتي
ياكبرك بعيني وانا احب اللعب مع الكبار
ومادمت بايعها معك يامين؟ يثني همتي
لاصار كل شي بحياتك غير (نواف) انتظار
الى هنا يابعد راسي وانتهت مهمتي
حبيت اذكر بمقامك ياحبيبي باختصار
عشان اريح بالك وعشان ابرّي ذمتي
~*¤ô§ô¤*~القلوب الميتة~*¤ô§ô¤*~
صدق الحياة تعلم اللي مانفع فيه العلام
وحتى القلوب الميته تبكي بوسط الزعزعه
مني سلام من أول الدنيا الى آخرها سلام
اللي يبي درس ببلاش يثمن اللي يسمعه
النور خدعة فيزياء..واليوم كذبه الظلام
وما بقى من ظلم خلق الله ولا ضو شمعه
والضيق ضيق القبر..لا بالله بصدور الأنام
بالعكس يابعض القبور أنها لميتها سعه
والكسر هو كذبة رياضيات من بسط ومقام
والشاطر اللي يعرف ايش الحل..يرفع أصبعه!
نعم نعم لا فيه كسر ولا انكسار ولا انقسام
الانكسار الرجل لا جاه اتصال وروعه
وانا لو توافد علي العلم وازداد الكلام
أن كنت بكذب ثلاثه..ما بكذب أربعه
وإذا تذكرت ان دم المسلم على المسلم حرام
اكذب الأخبار لا جابوا طريقة مصرعه
وشلون مسلم تتجه حوله أصابع الاتهام
ضيع شبابه مثل ماضيّع شباب اللي معه
استغفر الله كني أسمع صوته يرد السلام
مع ان قلبي حس ب/انه آخر وداع أودعه
ليت لي شوفه أخيره لو بعد شد الحزام
أقسم بربي لنزل بنفسي وأقوم اجمعه
وأجمع أشلائه وأحطه في وسط قلبي وأنام
وإذا كتبت آخر قصيده بزهمه واسمعه
وأقول يامحمد عسى اللي تسمعه مني تمام
اشتقت اسمع منك كلمه في قصيدي موجعه
من عادته يكون أول واحد بوسط الزحام
من عادته لا غاب جاب أعذار ماهي مقنعه
لكنه هالمره ياكبر أعذاره وياقل الملام
ياليت لي حيله وأبيع اعضاي واشري مسمعه
جعل بفمه شهادتين وجعلها مسك الختام
اللي تمر بقلبه وهي رايحه يم مسمعه
القلـــــــوب الميته هي أقوى وحده
أبي راااايكم....؟؟
موضوع: كولكشن روووووعه لنواف الدبل 
الثلاثاء أغسطس 07, 2007 5:29 am
